Assalamualaikum Wr. Wb
Ingkang kuurmatan Ibu Kepala SMP N 1 Kalasan,
ingkang kula hurmati Bapak Ibu guru SMP N 1 Kalasan, para staf karyawan SMP N 1
Kalasan, lan para siswa ingkang kula tresnani.
Ingkang sepisan sumangga kita ngunjukaken atur puji
lan syukur dhumateng gusti ingkang maha asih, amargi sampun maringi rahmat
dhateng sedaya sahengga ing wekdal menika kita taksih saged kempal manu ggal
ing enjing menika lan saged dherek mangayubagya perpisahan kelas IX wilujeng
nir ing sambikala.
Para guru lan siswa kelas IX sedaya
Salajengipun kula minangka wakil saking siswa kelas
IX sedaya ngaturaken agunging panuwun ingkang tanpa pepindan awit saking sih
katresnan bapak / ibu guru ingkang sampun nggulawentah lan mulang wuruk kanthi
sabar, tulus lan ikhlas. Saengga kula sakanca saged ngrampungaken sekolah
sadangunipun kirang langkung 3 tahun. Mugi-mugi bapak, ibu guru pikantuk
ganjaran ingkang langkung sae saking Gusti ingkang Maha Agung, Amin.
Bapak Ibu guru lan kanca-kanca kelas IX sing kula
hurmati
sekedhap malih kula sakanca ninggalaken pawiyatan
menika. Awrat anggen kula matur kados pundi raosipun nilar bapak/ibu guru saha
adhik-adhik. Namung kawonten kedah mekaten, pramila kepeksa kula sakanca
nilaraken bapak/ibu guru.
Kula sakanca nglenggena bilih asring sanget sami
damel Bapak lan Ibu guru duka. Pramila, kula sakanca nyuwun agunging samodra
pangaksami. Salajengipun nyuwun tambahing berkah pangestunipun Bapak saha Ibu
guru, supados kula sakanca dipunparingi gampil anggenipun nempuh pendhidhikan
ingkang langkung sae wonten jenjang sekolah ingkang langkung inggil.
Ingkang pungkasaning atur, bokbilih wonten
klenta-klentung atur kula, saha tindak tanduk kula ingkang kirang nuju prana,
saestu kula naming saged nyuwun lumunturing sih samodra pangaksami.
Wabilltofiikwalhidayah Wassalamu’alaikum Wr. Wb
Tidak ada komentar:
Posting Komentar